تشيز كيك الفراولة
تعرفي على طريقة عمل تشيز كيك الفراولة خطوة بخطوة بمكونات بسيطة وطعم رائع يذوب في الفم.
المقادير
- 400 جرام بسكويت شاي (أي نوع) الطبقة الأولى – قاعدة البسكويت
- ربع كوب زبدة الطبقة الأولى – قاعدة البسكويت
- ملعقتين كبار حليب الطبقة الأولى – قاعدة البسكويت
- 2 كيس كريم شانتيه (ما يعادل 100 جرام) الطبقة الثانية – الكريمة
- نصف كوب حليب مثلج الطبقة الثانية – الكريمة
- 4 ملاعق كبيرة حليب محلى مكثف الطبقة الثانية – الكريمة
- 250 جرام جبن كريمي أو جبن مثلثات قليلة الملح الطبقة الثانية – الكريمة
- نصف كوب ماء ساخن مذاب فيه 2 ملعقة كبيرة جيلاتين الطبقة الثانية – الكريمة
- عصرة ليمون الطبقة الثانية – الكريمة
- رشة فانيليا الطبقة الثانية – الكريمة
- 500 جرام فراولة مقطعة الطبقة الثالثة – صوص/كومبوت الفراولة
- 2 كيس جيلي بودرة بطعم الفراولة الطبقة الثالثة – صوص/كومبوت الفراولة
- نصف كوب ماء الطبقة الثالثة – صوص/كومبوت الفراولة
- عصرة ليمون الطبقة الثالثة – صوص/كومبوت الفراولة
- رشة فانيليا الطبقة الثالثة – صوص/كومبوت الفراولة
الخطوات
- تحضير القاعدة:في محضرة الطعام أو الكبة، اطحني البسكويت كويس لحد ما يبقى ناعم جدًا.أضيفي الزبدة السايحة وملعقتين الحليب وقلّبي المزيج لحد ما يبقى القوام زي الرمل المبلول، ما يكونش مفكك ولا ماسك قوي.افردي الخليط في صينية تشيز كيك (أو بايركس عادي) واضغطي عليه كويس بظهر كوب علشان يكون متساوي.دخليها التلاجة ترتاح وتتماسك وإحنا نحضر الكريمة.
- تحضير طبقة الكريمة:في بولة، اخفقي الكريم شانتيه مع الحليب المثلج لحد ما ينفش ويبقى قوامه كريمي.أضيفي الحليب المحلى المكثف (أو البديل) وقلّبي كويس.ضيفي الجبنة الكريمية بعد ما تخلطيها كويس لوحدها، واستمري في التقليب لحد ما القوام يكون ناعم ومتماسك.ذوّبي الجيلاتين في الماء الساخن وسيبيه يبرد شوية، بعدين ضيفيه على الخليط.عصرة ليمون ورشة فانيليا هتدي طعم لا يقاوم!طلعي صينية البسكويت من التلاجة، وصبّي خليط الكريمة فوقها ووزعيه كويس وساوي السطح.امسحي الأطراف علشان الشكل يطلع نظيف واحترافي.غطيها ودخليها التلاجة على الأقل 4 ساعات أو لحد ما تتماسك.
- تحضير صوص الفراولة:في طاسة على النار، ضيفي الفراولة المقطعة مع كيسين الجيلي ونصف كوب ماء.قلّبيهم مع بعض وسيبيهم على نار هادية لحد ما الفراولة تذبل والجيلي يدوب.مع أول غلوة، ضيفي عصرة الليمون ورشة الفانيليا.شيلِي الرغاوي اللي تطلع على السطح لو فيه.لو حسيتي إن الصوص خفيف، متقلقيش، هيتماسك لما يبرد.